THAILAND– Ginakabig sang Thailand nga new normal ang ila sitwasyon kun Coronavirus Disease 2019 (COVID-19) ang pagahambalan.
Suno kay Bombo International Correspondent Lanie Gayatao, naglab-ot na sa 3,037 ang infected sang virus, 2,897 ang nakaguwa sa hospital, 84 ang nagapabilin sa hospital kag 56 ang patay.
Suno kay Gayatao, bukas na ang mga mall kag restaurant kay nagbalik naman ang transportasyon apang may ginapatuman lang nga precautions kaangay sang checkpoints, curfew kag physical distancing.
May yara man sang log-in log-out kag quick response code sa tion nga magsulod sa mall para sa contact tracing.
Sa bahin naman sang klase, magasugod kun tani ini sa Hulyo 1 kun sa diin ginahanda na ang mga pamaagi para sa online teaching kun sa diin magahatag sang libre nga internet connection ang gobyerno sang Thailand.
Kun aga, nagakolekta sang donasyon ang mga mongha kag sa hapon, nagaluto sila sang pagkaon agud ipanghatag sa mga tawo sa templo.
