ILOILO CITY – Patay ang siyam ka nga tuig nga bata nga lalaki matapos nakuryente sa Barangay Dapitan, Pototan, Iloilo.
Sa interview sang Bombo Radyo kay Police Staff Sergeant Amando Caporal, imbestigador sang Pototan Municipal Police Station, iya ginpahayag nga nagahampang ang biktima sa gwa sang ila balay kaupod ang iya hinuptanan nga ido.
Suno kay Caporal, nagsaylo sa balay sang ila kasilingan ang ido.
Ginlagas naman sang biktima ang ido sa diin nagsuhot ini sa kudal.
Likom sa ihibalo sang bata, may yara sang live wire nga nakatandog sa cyclone wire nga nagresulta sa pagkakuryente sini.
Gindala pa ang biktima sa ospital, apang gindeklarar sang doktor nga dead on arrival.
