Nagpangayo sang pasaylo ang Sangguniang Kabataan chairperson sang Brgy. Bubukal, Sta. Cruz, Laguna matapos mag-viral ang video kun sa diin nakit-an siya nga ginpangtandog ang mga ginabaligya nga siopao kag hotdog sa isa ka convenience store.
Sa iya nga Facebook post, nag-ako si Mark Adrian Napiza nga indi husto ang iya ginhimo apisar nga joke lang kuntani ini suno sa iya nga parte sang iya video content.
Antes ang iya statement, gin-ulan na siya sang pagpakamalaot online bangud makit-an sa video nga nagakinadlawanay pa sila samtang ginakapkap sini ang mga pagkaon.
“Unang una po, inaamin ko na ang aking naging kilos sa nasabing video ay hindi tama at hindi po nararapat, kahit na ito po ay ginawa ko lamang bilang biro na parte ng aking video content kasama ng aking mga kaibigan at walang anumang hangad na masamang intensyon,” pahayag sini.
Dugang niya, ginpangbakal man niya ang tanan nga pagkaon nga iya gintandog sang adlaw nga gin-film niya ang amo nga video.
“Gusto ko pong ipagbigay alam na ang lahat ng aking nahawakang pagkain ay aking kinuha at binayaran nang mismong oras at araw na din na iyon,” dugang sini sa iya nga statement.
Suno pa kay Napiza, nag-sorry naman siya sa management sang convenience store. Magapakig-angot man ini sa Sangguniang Kabataan Pederasyon kag sa Department of the Interior and Local Government kag batunon kun ano man ang mangin lihok para sa iya.
Ang kadam-an sa nag-call out sa SK chair ang nag-raise ang concern kaangot sa “unhygienic behavior” kag “blatant disregard” para sa iban nga mabakal man.
“Touching all the siopao with bare hands?!! While your equally idiotic friends laughed,” komento sang isa ka netizen.
Dugang pa sang isa ka Facebook user: “Do you not understand how germs work? Do you not care about anyone else? You are a menace. Seriously, rethink your life choices. Do better, people!”
Sandig sa Code of Ethics and Conduct sang Creator and Influencer Council of the Philippines (CICP), nakasaad nga dapat nga ang kada content creator ang maghimo sang content “with skill, due care, prudence, and diligence” kag dapat nga magsunod sa layi, regulasyon, kag company policies.#
