Patay sa ambush ang isa ka Sangguniang Kabataan chairman samtang duwa naman ang pilason kalakip na ang isa ka pulis.
Natabo ang insidente sa Cotabato City sa atubang sang madamo nga tawo.
Ang napatay amo si Prince Mohaz Rafsanjanie Matanog, SK chairman sang Barangay Poblacion 5 sa amo nga syudad kag isa ka third-year engineering student sang Cotabato State University.
Pilason naman ang himata sini nga si Muamar Salvador Matanog nga gindala gilayon sa ospital.
Base sa imbestigasyon, sakay ang duwa sa isa ka Toyota Raize sang ginbanggaan kag ginpaarakan luthang sang mga armado nga lalaki sa area sang Sinsuat Avenue.
Sang nagresponde sa lugar ang on-duty nga pulis nga si Patrolman Norsaiden Laguiali, gintiro man ini sang mga suspek.
Madasig naman nga nalagyo ang mga suspek sakay sa motorsiklo.
Padayon pa ang imbestigasyon agud makilala ang mga tawo nga responsable sa krimen.
