Jaro, Iloilo City – Ipatawag sang barangay council sang Barangay Simon Ledesma, Jaro, Iloilo City ang isa ka sangguniang kabataan member matapos na-involve sa isa ka rambol kadungan sang selebrasyon sa Dinagyang Festival 2023.
Ini amo si Edison Aptingo, residente sang amo man nga barangay.
Sa interview sang Bombo Radyo kay Punong Barangay Amadeo Sultan sang Barangay Simon Ledesma, iya ginpahayag nga nagpakilala sa mga otoridad si Aptingo bilang Kagawad, apang ginpanginwala ini ni Sultan.
Suno kay Sultan, si Aptingo ang myembro sang Sangguniang Kabataan sang ila barangay.
Matandaan nga nagluntad ang kinagamo sa atubang sang Iloilo Provincial Capitol sang nagsulod sa jeep nga may ruta nga Tagbak Terminal ang ginapahayag grupo ni Aptingo kag gintapungol ang isa ka lalaki.
Ginpahayag dugang sang natungdan nga sa tion nga makumpirma nga naangot si Aptingo sa kinagamo, i-report niya ini sa Department of Interior and Local Government.
Sa karon, tipunon ni Sultan ang iya barangay council kag Sangguniang Kabataan Chairman agud pasabton si Aptingo.
