ILOILO – Ginapamatud-an sang isa ka lalaki nga may dwarfism nga apisar gamay ini, apang dako naman ang iya handom sa kabuhi.
Ini amo si Marvin Maderable, 25, residente sang Brgy. Dagami, Maasin, Iloilo.
Sa interview sang Bombo Radyo Iloilo kay Maderable, iya ginpahayag nga 11 sila ka mga mag-utod, sa diin apat gid sa ila ang may yara sang dwarfism.
Suno kay Maderable, wala nangin upang ang iya sitwasyon agud malab-ot sini ang iya handom sa kabuhi nga makatapos sang pagtuon.
Apisar nga biktima man ini sang bullying bangud sa iya sitwasyon, apang wala niya ini ginasapak sa baylo nagatutok ini sa iya handom nga makatapos sa pagtuon.
Si Marvin ang nagtapos sa kurso nga Bachelor of Arts, Major in Theology sa GCEF College sa Cabatuan, Iloilo.
Siya man ang naga-isahanon sa ila pamilya nga nakatapos nga may college diploma.
Nagpanugyan man ini sa mga kaangay niya nga may pinasahi nga sitwasyon nga magpanginguha agud malab-ot ang handom sa kabuhi.
