𝗜𝗟𝗢𝗜𝗟𝗢 – Ginpatigayon ang Pre-implementation Planning Workshop para sa Value Chain Enhancement for High-Value Crops through Smart Agriculture (VEHCSA) Project.
Ini nga proyekto ang bunga sang pagbuligay sang Department of Agriculture (DA) kag Korea International Cooperation Agency (KOICA).
40 ka mga project recipients, management unit, kag management consultants ang nagtambong sa kahitawan nga ginpatigayon sa Park Inn Hotel, Mandurriao, Iloilo City.
Lakip sa naistoryahan sa workshop amo ang pagpatuman sang VEHCSA sa Aklan, Iloilo, Antique kag Negros Occidental.
Ginpasalamatan naman ni Dennis R. Arpia, director sang DA Western Visayas ang KOICA bangud sa pagdala sang smart greenhouses nga mangin dako nga bulig sa mga mangunguma.
Ginpahayag ni Arpia nga ang Western Visayas amo ang may pinakadamo nga smart greenhouses sa Pilipinas.
Ang smart greenhouses ang ipahamtang sa project sites sa Tigbauan, Iloilo; Patnongon, Antique; Bago City, Negros Occidental; kag Kalibo, Aklan pinaagi sa local government units kag farmer cooperatives kag associations.
