ILOILO CITY — Paga-islan sang Panay Electric Company (PECO) ang mga metrohan sang mga konsumidor sa palibot sang syudad sang Iloilo.
Ini agud nga malimitahan na ang sala sa reading sang mga metro kag ang mga reklamo kontra sa sala nga billing sa mga konsumidor.
Sa exclusive interview sang Bombo Radyo kay Mikel Afzelius, Corporate Communications Officer sang PECO ginpahayag niya nga magaabot na ang una nga isa ka libo nga units sang ginatawag nga “Smart Meter” sa diin may mga nainstall na nga Automated Metering Infrastructure (AMI) nga mahimo maaccess sa computer sang PECO sa ano man nga oras.
Plano sang PECO nga unahon ang high voltage area sa City proper area kag amat-amaton pakadto sa area sang San Juan Molo Iloilo City.
Magabakal naman ang PECO sang 4 thousand tubtob 7 thousand ka units sang Smart Meters kada tuig.
Gin-athag ni Afzelius nga indi ini pag-ipa-abaga sa mga konsumidor tungod ini ang investment sang PECO para sa pagpaayo sang serbisyo sa mga pumuluyo.