ILOILO CITY – Ginatun-an ni Iloilo City Mayor Jerry Treñas ang ginatanyag sang isa ka service provider nga isa ka digitalized traffic enforcement sa diin indi na kinahanglan nga i-confiscate ang mga driver’s license sang mga pasaway nga motorista.
Sa interview sang Bombo Radyo kay Mayor Treñas, iya ginpahayag nga ginarekomendar sang service provider ang nasambit nga smart traffic management system agud mapasanyog ang traffic management sa syudad.
Suno kay Treñas, naga-specialize ang service provider sa data warehousing, system analysis, kag system customization.
Ginpahayag dugang sang natungdan nga mahimo na nga magamit ang traffic aides sang isa ka handheld equipment sa baylo nga i-confiscate ang lisensya sang mga motorista.
Nahibaluan nga nagabalor ang equipment sang P10,000 tubtob P20,000.
