USA – Nagapangita ka bala sang ka date ukon mangin ka partner for life?
Isa ka kompaniya sa New York sa Estados Unidos ang may pinasahi nga ginatanyag para sa mga single.
Ang nasambit nga matchmaking service ang ginatawag nga ‘Smell Dating’.
Ini ang ka pareho sang blind date apang ang pagpili sang mangin ka date ang paagi sa pagsimhot sang body odor ukon baho sang isa ka tawo.
Ang Smell Dating ang gintukod nanday Tega Brain, isa ka artist kag manunudlo sa New York’s School for Poetic Computation kag Sam Lavigne, isa ka editor kag researcher sa New York University.
Ang duha ang nag-umpisa sa 100 ka mga customer kun sa diin ang kada isa ang nagbayad sang tag $25 ukon masobra sa P1,200.
Ang mga customer ang ginapadal-an sang kompaniya sang T-shirt nga ila suksukon sa sulod sang tatlo ka adlaw.
Ang amo nga mga tshirt ang kinahanglan nga ibalik sa sweat shop sang kompaniya kag ini ang pagaguntingon sa magagmay nga parte.
Ang gingunting nga bayo ang ipadala naman sa mga customer kag ila ini simhutan kag kun nakapili na sila, ang kompaniya mismo ang magaset-up sang date.
Bangud sa pinasahi nga dating service sang kompaniya, madamo ang gusto nga makaeksperyensya sini.
