MANILA – Pagagamiton sang gobyerno ang sobra sa P10 billion tariff gikan sa importation para sa pagpasangkad sang productivity sang local rice farmers.
Suno kay Department of Finance Assistance Secretary Tony Lambino, pagatutukan sang gobyerno ang productivity programs para sa rice sector.
Sa idalom sang Rice Tariffication Law, ang P10 billion nga makolekta sa tagsa ka tuig ang automatic na nga pagagamiton sa Rice Competitiveness Enhancement Fund nga natunga sa apat ka components nga ginalakipan sang machinery kag equipment nga nagabalor sang P5 billion, certified inbred seeds nga P3 billion, credit nga P1 billion kag training and extension nga P1 billion.
Umpisa sang ginpirmahan sang Presidente ang Rice Tariffication Law sang 2019, wala na sang quantitative restrictions sa rice importation kag ginpatuman ang 35 percent tariff sa rice imports.
Sa pito ka bulan, ang rice tariff collections ang naglab-ot na sa P11.036 billion, ukon mas mataas sang 4% year-on-year, kag nagsobra sa P10-billion worth of rice import tariffs santo sa Rice Competitiveness Enhancement Fund.
Apisar nga wala gindetalye kun paano gastuhon ang sobra sa P10 billion, ginpahayag sang Department of Finance nga naglab-ot sa P12.1 billion ang nakolekta sang 2019 kun sa diin ang sobra nga P2.1 billion ang pagagamiton sang Department of Agriculture sa crop diversification program (P1 billion) kag expanded crop insurance on rice (P1.1 billion).
