Ma-angkon sang isa ka indibidwal ang nagakaigo nga kumpyansa kag paminasalamaton nga batasan kun nahibal-an sini ang iya nga ”self worth.”
Sa interview sang Bombo Radyo kay Social Media Content Creator Shayne Fenis, iya ginpahayag nga ang pag-ankon sang self worth ang wala ginasalig sa iban nga tawo kundi ini ang nagahalin sa kaugalingon mismo kag pinaagi sini, matun-an sang isa ka indibidwal nga i-selebrar ang kaugalingon.
Kun aware man suno sa iya ang isa ka indibidwal sang iya ikasarang kag abilidad, apisar ”losyang” man ang tawag sa iya sang sosyudad, masarangan sini nga magbaton sang kritisismo kalakip na sang pagdayaw.
Apisar indi basehan suno sa iya ang titulo ukon posisyon sa pag-angkon sang self-worth, importante nga matumod sang isa ka indibidwal ang iya matuod nga depenisyon kag mabalanse ang pagtatap sa kaugalingon kalakip na sa iya mga kabataan ukon pinalangga sa kabuhi.
