ILOILO CITY – Malipayon nga ginpakigbahin sang social media personality nga si Xander Ford sa publiko nga mangin isa na siya ka amay.
Sa iya social media accounts, gin-ako ni Xander nga indi pa siya makahibalo kun ano ang iya himuon bangud first time niya nga mangin amay.
Excited man siya nga mahibaluan ang gender sang iya nga bag-o nga “angel.”
Ginapaligban naman nila subong kun ano ang ipangalan sa ila anak sang iya non-showbiz girlfriens.
Sang nagligad nga bulan, naghatag na sang hint ang viral personality nga may yara siya sang pala-abuton nga bag-o nga angel sa iya kabuhi.
Sang 2020, gindagdagan sang indefinite suspension sang iya talent agency ang social media personality bangud ginpasakaan ini sang kaso nga physical abuse kag sexual assault sang iya anay nobya.
Gin-aresto siya sang Manila Police District sang Disyembre sang amo nga tuig bangud sang pagpanakit.
Ginpanginwala naman niya ang amo nga mga akusasyon kag nagpangayo sang pasaylo sa iya anay nobya.
Nangin trending man ini sang ginbuyagyag niya sa publiko nga isa siya ka bisexual.
