Wala nagadali nga magpakasal ang young actress nga si Sofia Andres sa iya boyfriend nga si Daniel Miranda apisar nga ginkumpirma sini nga may yara na sila sang anak.
Ginbun-ag ni Sofia ang iya baby girl nga si Zoe sang Nobyembre 24, 2019 sa Australia.
Suno sa aktres, indi niya luyag nga may indi maayo nga matabo bangud lang sa pagdali-dali niya sa pagdesisyon.
Luyag pa ni Sofia nga ma kilala nila ni Daniel ang isa kag isa.
Apang ginasiguro man sang aktres nga sa kasal man sa gihapon ang padulongan sang ila nga relasyon.
Sa subong, luyag ni Sofia nga makatapos sang pag-eskwela ang iya 23-anyos nga boyfriend kag luyag man niya nga makabalik liwat sa showbiz.
