Napilian si Sofronio Vasquez nga amo ang magakanta sang Philippine national anthem sa ikaapat nga State of the Nation Address (SONA) ni President Ferdinand “Bongbong” Marcos, Jr. sa Hulyo 28.
Suno sa Presidential Communications Office (PCO), ang mangin partisipasyon ni Sofronio sa sini nga event ang isa man ka “tribute” sa Filipino talent kag national pride.
“Selecting Vasquez, a multi-awarded singer known for his powerful renditions of patriotic and classical pieces, reflects the administration’s intent to blend tradition and excellence in this year’s SONA ceremony,” suno sa PCO.
Dugang sa anunsyo sa website sang opisina: “The singing of the national anthem is a key ceremonial element of the SONA, setting the tone for the President’s annual address before members of Congress, government officials, foreign dignitaries, and millions of Filipinos watching from around the world.”
Matandaan nga naghimo sang maragtas si Sofronio bilang una nga Asian kag una nga Filipino nga nagkampyon sa “The Voice USA.”
Nangin kabahin siya sang Team Michael Bublé nga nagpabilib sa judges kag tumalan-aw sa iya performances sa finale nga amo ang “Unstoppable” ni Sia kag “A Million Dreams” halin sa “The Greatest Showman.”
Sang Enero, nagbalik siya diri sa Pilipinas, nagpatigayon sang una nga solo concert sa Cebu, kag ginkilala man sang Senado bangud sang iya kadalag-an sa Estados Unidos sang Amerika.#
