ILOILO CITY – Patigayunon na sa Hunyo 23 ang soft opening sang Iloilo River North Bank Road ukon Sunset Boulevard.
Ang nasambit nga proyekto ang gin-umpisahan sang Abril 25, 2022 kag nagalaba sang 4.99 kilometers.
Ini ang naga-umpisa sa Molo-Mandurriao Road, nagatabo sa Iloilo Circumferential Road kag nagatapos sa Oton Pakiad-Mandurriao Road.
Sa interview sang Bombo Radyo kay Engr. Sanny Boy Oropel, Regional Director sang Department of Public Works and Highways (DPWH) Region 6, iya ginpahayag nga ang event ang idungan sa 126th founding anniversary sang ahensya.
Suno kay Oropel, ang ini nga dalan ang ginapanan-aw nga makabulig agud mahagan-hagan ang pagpug-ok sang mga salakyan sa Iloilo-Antique road.
Ang boulevard ang may yara sang nagkalain-lain nga mga amenities nga ginalakipan sang esplanade, bike lanes, sementado nga walkways, kag landscapes.
Gin-athag naman ni Oropel nga ang soft opening ang limitado lang anay sa mga pedestrians kag joggers, bangud sa Disyembre 2024 pa ini buksan para sa mga salakyan.
Ang ini nga proyekto ang may duha ka phases para sa tatlo ka section.
Ang Section 1 sang Phase 1 ang may budget nga P280.1 million, ang Section 2 sang Phase 1 ang may budget nga P279.551 kag ang Section 3 sang Phase 2 ang may budget naman nga P191.924 million.
