Ginpirmahan ni Former Department of Justice Secretary Boying Remulla ang request sang Independent Commission for Infrastructure (ICI) para sa Immigration Lookout Bulletin Order (ILBO) batok sa pila ka mga personalidad nga gina-angut sa flood control anomalies.
Ginkumpirma ni DOJ spokesperson Asec. Mico Clavano nga kalakip sa mga ipaidalom sa ILBO amo sanday Senador Chiz Escudero, Senador Jinggoy Estrada, Senador Joel Villanueva, kag House Speaker Martin Romualdez.
Katuyuan sang Immigration Lookout Bulletin Order (ILBO) nga mabantayan ang byahe sang mga indibidwal samtang gina-imbestigaran ang mga iregularidad sa paggamit sang pondo para sa flood control projects.
Matandaan, una na nga gin-anunsyar ni Dizon nga naghingyo siya sang pag-issue sang immigration lookout bulletin order batuk sa mga personalidad nga involved sa ‘ghost’ flood control projects.
