ILOILO CITY – Wala sang ihibalo si Iloilo City Councilor Ely Estante, chairman sang Committee on Environment, nga kabahin siya sang Solid Waste Management Board sang Iloilo City Government.
Ini ang may kaangtanan sa indi pagpatukod sang Material Recovery Facility sang pila ka mga barangay sa syudad sang Iloilo.
Sa interview sang Bombo Radyo kay Estante, iya ginpahayag nga wala gid siya sang ihibalo nga ang Chairman sang Committee on Environment sa Iloilo City Council ang automatic nga miyembro sang nasambit nga board.
Suno kay Estante, madugay na sila nga nagakit-anay nanday Engr. Neil Ravena, Assistant Department Head sang General Services Office apang wala gid siya ginpahibalo nga isa man siya sa mga katapo sang Solid Waste Management Board.
Buwas nga adlaw suno kay Estante, magapatigayon sang pagsinapol ang tanan nga katapo sang nasambit nga board kag isa siya sa mga nakabaton sang imbitasyon.
Wala naman sang ihibalo ang natungdan tuhoy sa mangin agenda sang nasambit nga pagsinapol.
