Ano ang masarangan mo himuon agud lamang tumanon sang imo iloy ang gusto mo ipabakal sa iya?
Abi panumduma kag samtang nagapanumdom ka, sugiran ta nalang ka sang sini nga istorya.
Sa India, nag-agaw sang atensyon ang isa ka teenager nga nag-hunger strike agud piliton ang ia iloy nga magbakal sang malahalon nga cellphone.
Suno sa report, tatlo ka adlaw nga wala nagkaon ang solterito para lang nga maluoy sa iya ang iloy.
Nahibaluan nga isa ka manugbaligya sang bulak ang iloy kag gamay man lang ang ginakita sini.
Apang bangud sa ginhimo sang anak, napilitan gid ang iloy nga baklan sang cellphone ang solterito.
Matapos naglanog ini nga balita, madamo naman ang naluoy sa iloy kag mas madamo ang nagpakamalaot sa anak.
