Patay ang isa ka 18-anyos nga soltero matapos ginbuno ini sang PWD nga iya gin-bully sa Pamplona, Camarines Sur.
Ang biktima amo si alyas “Par” samtang ang suspek naman amo si alyas “Raffy”, 17-anyos, kag may yara sang psychological disability ukon kakulangan sa husto nga paminsaron.
Lunsay residente sang Brgy. Tambo sa amo nga banwa ang duha.
Base sa imbestigasyon, ginpalapitan sang biktima ang suspek kag ginsunlod niya ini.
Nangakig ang suspek kag nag-inaway ang mga ini.
Didto na nagkuha ang suspek sang kutsilyo kag ginbuno sa dughan ang biktima.
Gintinguhaan pa nga madala sa ospital ang biktima apang wala na matabangan pa.
Gindakop naman ang suspek kag ginkustodiya sang Municipal Social Welfare and Development Office.
