ILOILO CITY – Gintiro sang 18-anyos nga estudyante ang iya kaugalingon sa Brgy. Tanza Bonifacio, Iloilo City Proper matapos nga nakabais ang iya iloy.
Sa interview sang Bombo Radyo kay Brgy. Kagawad Aron Aligayen, tiyo sang biktima, iya ginpahayag nga nakibot na gid lamang sila sang may naglupok nga pusil nagikan sa banyo sang balay.
Pilas sa ulo ang naagum sang biktima nga igo sang 38 caliber nga armas kag nagaginhawa pa sang gindala sa ospital.
Suno kay Aligayen, ginlaygayan sang iya iloy ang biktima kag posible nga naglain gid ang buot sini.
Mabuot nga bata, maalam kag matinahuron ang pagkakilala ni Aligayen sa iya nga hinablos.
Wala naman sang ideya si Alingayen kun sa diin ginkuha sang biktima ang armas nga iya gingamit.
