ILOILO CITY – Gin-anunsiyo sang Scottish singer-songwriter nga si Lewis Capaldi nga maga-break anay ini sa pag-perform kasunod sang natabo sa Glastonbury festival kun sa diin, nabudlayan ini sa pagtapos sang iya nga set.
Sang Sabado, ang crowd na ang nagkanta sang lyrics sa iya final songs matapos nga nagsuprer ini sang vocal problems.
Ang Glastonbury kuntani ang iya comeback matapos nga gin-cancel niya ang tatlo ka semana nga shows bangud sang mental kag physical effects sa iya nga tour.
Una na niya nga gin-ako nga may problema siya sa pag-cope sa kasikatan kag nagasuprer sang panic attacks kasunod sang Tourette’s Syndrome nga diagnosis.
Sa iya Instagram post, ginpasalamatan ni Lewis ang crowd sa pagbulig sa iya kag gin-anunsiyo ang temporaryo nga pag-untat sa mga tours.
Ang Tourette’s Syndrome ang isa ka neurological condition nga nagaresulta sa involuntary sounds kag movements sang isa ka tawo nga ginatawag nga tics. Ang stress kag anxiety ang pila sa mga common triggers.
Ang award-winning singer-songwriter, ang kilala sa iya 2019 hit “Someone You Loved” nga nagpanguna sa United Kingdom kag sa Estados Unidos.
Apisar sang best-selling single kag best-selling album, gin-ako niya nga nga may yara siya sang imposter syndrome bangud sang anxiety.
