Gin-anunsyo nga maga-updanay sa panibag-o nga Netflix romantic comedy film sanday Maris Racal kag Anthony Jennings.
Ang upcoming film ang may tig-ulo nga ‘Sosyal Climbers’ kag natalana nga ipaguwa sa Pebrero 27, 2025.
Dal-on sang duha ang papel sang magkarelasyon nga involved sa pagpang-scam sa manggaranon nga mga tawo. Base sa trailer nga gin-release Enero 30, nagpakuno-kuno sila nga manggaranon agud nga maka-upod sa social circles sang ila manggaranon nga mga kasilingan, nagtambong sa tuman ka mahal nga mga party, kag gingamit ang amo nga mga kahigayunan agud makapangwarta.
Isa ini sa duha ka proyekto nanday Maris kag Anthony matapos ginbuyagyag sang ex-girlfriend ni Anthony nga si Jam Villanueva sang Disyembre 2024 ang ila ginhimo nga ginaalegar nga pagpangluib.
Pareho na nga nakahimo sang statement ang aktres kag ang actor kasunod sang amo nga isyu.
Makit-an man subong ang duha bilang sanday Gab kag Tom sa action series nga Incognito.
Sa tunga sang mga kontrobersiya, may kanta man nga gin-release si Maris nga may tig-ulo nga “Perpektong Tao” nga nahanungod sa iya healing journey.
Una nga nakilala ang “MaThon” bilang sanday Snoop kag Irene sa Netflix series nga Can’t Buy Me Love kaupod ang loveteam nga DonBelle nga ginabug-usan nanday Donny Pangilinan kag Belle Mariano.#
