Nanindugan si Senate President Vicente Sotto III nga kinahanglan na ang pagbag-o sa COVID-19 response sa Pilipinas.
Ginpahayag ini ni Sotto kadungan sang iya pagpadulong sa Iloilo City, Septyembre 16, kaupod si Senator Panfilo Lacson kasunod sang ila anunsyo sang ila tandem sa national elections sa 2022.
Si Lacson ang magapadalagan bilang presidente samtang bise-presidente naman si Sotto. Kaupod man sang duha si former House Speaker Pantaleon Alvarez.
Suno kay Sotto, maathag gid nga may sala sa sistema bangud kun san-o pa nga nag-abot na ang bakuna sa Pilipinas, didto man kag nagsaka sa masobra 20,000 ang nagakarekord nga COVID-19 cases kada adlaw.
“We need a change. This strategy is not working. Obviously, you must be doing something wrong. Yung sistema, we have to change it,” pahayag sang senador.
