ILOILO CITY – Nagpa-athag ang South Balibago Resources Incorporated kun nga-a naglain ang color sang ila tubig nga ginasupply sa Jaro, Iloilo City.
Suno kay Suno kay Engr. Janer Deaño, plant manager sang South Balibago sa Brgy. Bongco, Pototan, Iloilo, Marso 29 pa sang natalupangdan nga “reddish” ukon mapula-pula ang tubig nga ila gina supply rason nga ila gin-usisa ang suba nga ila ginakuhaan sang tubig.
Natukiban nila suno kay Deaño nga ang higku halin sa compound sang URC Passi Sugar Central sa Brgy. Imbang Pequeño, San Enrique, Iloilo ang nagaderetso sa suba.
Nagpadala na sang sulat ang South Balibago sa DENR-Environmental Management Bureau agud ipalab-ut ang reklamo batuk sa sugar central.
Ginpasiguro ni Deaño nga ila gid nga ginahimu ang tanan nila nga masarangan agud nga masolbar ang problema.
Santo sa laboratory analysis, ‘safe’ nga ipaligo ang tubig nga ila gina-supply.
Magapaguwa naman sang abiso ang South Balibago kun mahimo na nga imnon ang tubig nga ila gina-supply.
