Ginhingyo sang special prosecutor sa South Korea nga dagdagan sang death penalty si anay President Yoon Suk Yeol bangud sa pagpanguna sini sa insurrection paagi sa pag-implementar anay sang martial law.
Suno sa prosecutor sa Seoul Central District Court, nagplano sanday Yoon kag ang iya former defense minister sang military rule agud nga makapabilin ang former president sa pwesto.
Nag-ugat ang kaso sang gintuyo ni Yoon nga magpatuman sang martial law sang Disyembre 2024 sa South Korea. Inoras lang ang ginlawig sang martial law bangud nagguwa ang mga tawo kag nagprotesta, samtang naghulag naman ang parliament, gin-impeach si Yoon, kag gin-detain para sa trial sang kaso.
Ginpanginwala man anay sang former president ang akusasyon batok sa iya. Suno kay Yoon, ang martial law amo ang sabat agud nga matalupangdan sang publiko kun ano nga sala ang ginahimo sang opposition party.
Ang pagpanguna sang insurrection ang mahimo masilutan sang death penalty ukon bilog nga kabuhi nga pagka-preso. Sa idalom sang layi sang South Korea, dapat nga mag-request ang piskalya sa judge nga idagdag ang isa sa duha ka nasambit nga sentensya.
Nahibaluan nga halos tatlo ka dekada na halin sang may ginsilutan sang kamatayon sa amo nga pungsod.
Natalana nga magpaguwa sang desisyon ang korte sa Pebrero subong nga tuig.
