Gin-akusaran sang South Korea ang isa ka pastor bangud sa paglapas sini sa self-isolation kag indi paghatag sang impormasyon sa pagpatigayon sang contact tracing.
Ang amo nga pastor ang ginkilala nga si Rev. Jun Kwang-hoon sang Sarang Jeil Church.
Nadugangan sang 279 ka mga kaso sang COVID-19 ang South Korea sa diin ginatudlo nga ang 240 nga mga infected amo ang naka close contact sang pastor.
Bangud sa nagdugang nga kaso, mas ginhugtan ang social distancing measures.
Suno sa health ministry, napasakaan na sang kaso ang nasambit nga pastor bangud sa paglapas sini sa self-isolation pinaagi sa pag-upod sa hublag protesta kag pag-obstruct sa medical investigation sa outbreak pinaagi sa kapaslawan sini nga ihatag ang kompleto nga listahan sang mga church members para sa testing kag tracing.
