𝗠𝗨𝗔𝗡, 𝗦𝗼𝘂𝘁𝗵 𝗞𝗼𝗿𝗲𝗮 – Nag-crash ang South Korean passenger airplane sa Muan International Airport sa South Jeolla Province sa South Korea.
Suno sa South Korean news agency nga Yonhap, sakay sang Jeju Air Flight 2216 ang 175 ka mga pasahero kag anom ka mga crew.
Naghalin ang eroplano sa Bangkok, Thailand antes nag-crash sa Muan International Airport.
Ini ang may kalayuon nga 288 kilometers sa Capital sang South Korea nga Seoul.
Naghugpa naman ang eroplano sa runway apisar wala sang landing gear tubtob nagbunggo sa fence sang paluparan.
Nagapadayon naman ang imbestigasyon sa insidente.
Apang may nagwa man nga impormasyon nga ‘bird strike’ ang rason sa pagkaguba sang landing gear sang eroplano.
Nagpadulong naman si acting South Korean President Choi Sang-mok sa Central Disaster Management Headquarters sa diin ginmando sini ang madasig nga rescue operations.
