Gintay-og sang 6.8-magnitude nga linog ang southwestern Japan subong nga gab-i, Enero 13.
Nagluntad ini 9:19 p.m. local time rason nga may ginpaguwa gilayon nga advisory sa Miyazaki province, partikular sa isla sang Kyushu, amo man sa southern Kochi prefecture.
Suno sa Japan Meteorological Agency (JMA), posible ang pagsaka sang tsunami waves tubtub sa isa ka metro matapos ang linog.
Nauna nga ginpahayag sang US Geological Survey nga 6.9 ang magnitude apang gin-revise ini sa 6.8.
Padayon sa pag-abiso ang Japanese authorities nga magpalayo anay ang publiko sa mga baybayon.
Sa Pilipinas, nagsiling ang Phivolcs nga wala sang tsunami threat sa pungsod. Sa post sang ahensya, nagtupa sa 6.9 ang magnitude sang amo nga linog.
(Alamy Stock Photo)
