Gin-athag ni Senate President Sherwin Gatchalian nga indi lamang si Senate impeachment court presiding officer Francis “Chiz” Escudero ang nagdesisyon nga indi paghatagan sang subpoena si anay Senador Antonio Trillanes IV.
Ginkonsulta anay ni Escudero ang iban pa nga mga senator-judges antes magpagwa sang desisyon ukon ruling suno kay Gatchalian.
Lakip diri ang isyu kun mangin testigo si Trillanes, nga isa sa mga witness nga gin-upod sang prosecution sa ila manifestation para sa Article II ukon alegasyon sang unexplained wealth.
Suno sa Senate President, mahimo ipatawag sang prosecution panel si Trillanes kon luyag sini gamiton ang iya testimonya agud mapabakod ang ila kaso.
Ginpasiguro man ni Gatchalian nga bukas ang impeachment trial sa mga testigo nga luyag ipresentar ang duha ka panig, suno sa proseso sang trial.
Nahibaluan nga una na nga ginkumpirma sang spokesperson sang Senate impeachment court nga si Atty. Reginald Tongol nga wala sang may nagapalabag sa pagpresentar sang Prosekusyon kay Trillanes.
Sa ila na nga bahin kun ila dayunon nga witness ang anay Senador.
