May seryoso nga sakit si Senator Loren Legarda.
Ini ang ginpakigbahin ni Senate President Sherwin Gatchalian matapos ini nga ginpamangkut may kaangtanan sa kahimtangan sang senadora matapos nga wala sa gihapon ini nakabalik sa senado.
Suno kay Gatchalian, wala man ginakuha ni Legarda ang iya sweldo sugod sang nagfile ini sang leave sang nagligad nga Agosto 3.
Wala man sini ginsabat ang pamangkut kun ano nga klase sang sakit nagasuprer ang senadora bangud iya ginpahayag nga isa na ini ka personal nga bagay.
Pahayag ni Gatchalian, wala man sya sang ihibalo kun san-o liwat makabalik sa Pilipinas ukon sa senado si Legarda.
Madumduman nga nagapangatubang sang reklamo si Legarda may kaangtanan sa solar energy projects sang iya anak nga si Batangas Rep. Leandro Leviste.
