ILOILO CITY – Sulod na sa finals sang Women’s World Cup ang Spain matapos ginlutos ang Sweden, 2-1.
Una nga naka-score si Salma Celeste Paralluelo Ayingono sa 81st minute.
Sa 88th minute, nagbalos man si Rebecka Blomqvist sang Sweden.
Makaligad ang isa ka minuto, liwat nga naka-score ang Spain pinaagi kay Olga Carmona.
Ini ang makabig nga historic win para sa pungsod nga wala naka-agi advance mangin sa quarterfinals sa Women’s World Cup.
Pila ka bulan antes ang tournament, 15 ka mga Spanish players ang nagpabutyag sa ila federation nga indi na sila magpasakop bangud sa ila coach nga si Jorge Vilda kag tatlo lamang sa ila ang nagbalik para sa World Cup run.
Kontrahon sang Spain sa finals ang team nga magadaog sa tunga sang Australia kag England nga magahampang subong nga adlaw, las-sais sa gab-i oras sa Pilipinas.
Ang malutos naman ang kontrahon sang Sweden para sa 3rd place match.
