Nagbisita si Speaker Martin Romualdez sa haya sang ginluthang-patay nga opisyal sang Kamara nga si Director Mauricio Pulhin.
Personal nga nagpalab-ot sang pakig-unong si Romualdez sa pamilya ni Pulhin nga nagserbi nga Technical Staff Chief sang House Committee on Ways and Means.
Suno kay Speaker kaupod sang bilog nga institusyon sa pagpangita sang hustisya sa pagkamatay sang opisyal.
Ginpakigbahin man ni Romualdez nga si Pulhin, isa ka mahipuson apang mapisan nga propesyunal nga nagaserbi sa Kamara nga may tampad nga intensyon.
Indi mag-untat ang Kamara asta nga indi mahibaluan kag mapasabat ang yara sa likod sang pagpangluthang sa nasambit nga opisyal.
Ginkumpirma sang mga pulis nga naghimo na sang Special Investigation Team nga magapanguna sa kaso kag gin-review na ang CCTV footage kadungan sang forensic analysis kag pakig-estorya sa mga testigo.
Nagapanawagan naman si Romualdez sa mga otoridad nga magapatigayon sang madalom nga inbestigasyon
