Nadayon ang special session sang Sangguniang Panlunsod may kaangatanan sa pagdeklarar sang state of calamity sa Syudad sang Iloilo.
Ini apisar nga wala nagtambong sa session ang mga kaalyado ni Iloilo City Lone District Cong. Jerry Treñas nga sanday Vice Mayor Jeffrey Ganzon, Councilors Love Baronda, Ely Estante, Leila Luntao, Armand Parcon kag Jay Trenas.
Lakip naman sa mga nagtambong sa session amo sanday City Councilors Liezl Joy Zulueta-Salazar, Candice Tupas, Eduardo Peñaredondo, Plaridel Nava, Joshua Alim, Lyndon Acap kag Mandrei Malabor.
Nagserbe naman bilang presiding officer si Konsehal R Leone Gerochi.
Nahibaluan nga antes maka quorum, kinahanglan nga present ang walo ka mga konsehal.
Nangin dinapit naman nga bisita sa special session si Donna Magno, pinuno sang City Disaster Risk Reduction and Management Office (CDRRMO).
