Patay ang German Hollywood actor nga si Christian Oliver kag ang iya duha ka bata nga babayi sang nagtibusok ang ila ginasakyan nga eroplano sa Carribean sea.
Gintumod sang mga pulis ang mga biktima nga amo ang 51-anyos nga aktor nga Christian Klesper ang matuod nga pangalan; iya mga anak nga sanday Madita Klepser, 10, kag Annik Klepser, 12; kag ang piloto nga si Robert Sachs.
Naghalin ang eroplano sa Saint Vincent kag Grenadines airport sa eastern Caribbean kag padulong na kuntani sa St. Lucia, isa ka isla sa tunga sang Caribbean Sea kag North Atlantic Ocean.
Pila ka minutos pa lang sang naka-take off, nakit-an na nga may deperensya na sa lupad sang eroplano kag nagtibusok sa dagat apang indi pa subong matumod ang rason sang aksidente.
Kasunod sang hitabo, nagbubo ang mensahe sang kalisod ilabi na halin sa entertainment industry.
Kilala si Oliver sa nagkalain-lain nga film kag television roles lakip na sa 2008 action flick nga “Speed Racer,” “The Baby-Sitters Club” sang 1995 kag “The Good German” nga isa ka 2006 World War II film ni Stephen Soderbergh kun sa diin bida sanday George Clooney kag Cate Blanchett.# (GISELA SCHOBER/GETTY IMAGES)
