ILOILO CITY – Madugay na nga indi aktibo ang Sperm Junior Gang sa syudad sang Iloilo.
Sa exlusive interview sang Bombo Radyo kay John Rey Bermejo ukon mas kilala nga si alyas “Dako”, residente sang Wilson, Jalandoni Iloilo City Proper, iya ginpahayag nga tuig 2018 pa nagbulag ang ila nga grupo.
Suno kay Bermejo, kapin sa 50 ang ila mga miyembro.
Apang suno sa natungdan, wala na sila nagakilit-anay ilabi na subong nga may pandemya.
Nagdepensa man ang natungdan nga indi sila ang sa likod sang nagakatabo nga gang war sa syudad baliskad sa mga ginahaboy nga alegasyon sa ila grupo.
Ginhangkat man ni Bermejo ang iban nga mga gang nga magpakilala kag indi pag-i ulamid ang sperm gang sa mga rambol.
