Dugang pa nga mga sports governing bodies ang nagsugud naman sa pag-ban sang mga Russian teams kag athletes sa pagparticipar sa mga kompetisyon kasunod sang pagsalakay sang Russia sa Ukraine.

Gin-ban sang International Basketball Federation (FIBA) kag sang International Skating Unions (ISU) ang Russian athletes.

Nauna na nga ginkakas sang International Volleyball Federation ang Russia nga amu kuntani ang host sa men’s world championships subong nga summer.

Samtang, nagpagwa naman sang pahayag ang ang governing bodies sa pro tennis (ATP kag WTA) nga ang mga atleta halin sa Russia kag Belarus ang sa gihapon tugutan nga magparticipar sa kondisyon nga sila ang maga-compete nga indi sa idalom sang ila nasyon.

Nahibaluan nga nagpalab-ot sang supporta ang FIBA kag ang ISU sa Ukraine.

Kun matandaan ang Women’s Russian figure skaters ang ginakabig ‘best in the world’ nga amu ang indi na maka-compete sa world figure skating championships subong nga bulan sa Montpellier, France.

Nahibaluan nga nadesisyonan naman sang FIFA nga dumilian nga mag-compete sa World Cup soccer qualifiers ang Russian.