ILOILO CITY – Kombinasyon sang kadalag-an kag kapaslawan ang nangin karera sang Pilipinas sa patag sang sports subong nga 2019.
Sa Good Morning Philippines program, ginpahayag ni Edwin Caro Laru-an, sports director sang Central Philippine University, nga kun basehan ang 10-year scope, nangin maduagon ang karera sang Pilipinas sa patag sang sports.
Suno kay Laru-an, subong nga tuig, isa sa highlights amo ang pag-host sang Pilipinas sa Southeast Asian Games nga gin-ulan sang kontrobersiya sa una nga mga inadlaw sang hinampang apang gilayon ini nga natabunan sang enggrande nga pagpatigayon sang sporting event.
Ginpahayag ni Laru-an nga ginpakita sang Pilipinas ang ginatawag nga level-up nga pagpatigayon sang international sporting event sa diin nagpangibabaw ang Filipino athletes.
Agud nga mapa-uswag pa ang sports sa Pilipinas, kinahanglan suno sa natungdan nga tutukan sang gobyerno ang paghatag sang training sa mga atleta kag coaches, pagpatukod sang pasilidad kag pagpatigayon sang tournament.
