ILOILO CITY – Magalawig tubtub sa Disyembre ang ginapatigayon nga sportsfest sa Police Regional Office 6.
Ini ang may kaangtanan sa pagsaulog sang Fiesta sa Kampo sa Camp Martin Delgado sa syudad sang Iloilo.
Sa interview sang Bombo Radyo kay Police Regional Office 6 Director Police Brigadier General Rene Pamuspusan, iya ginpahayag nga ang pagpatigayon sang sportsfest ang isa ka paagi agud nga ipahangop sa publiko nga ang sports ang kabahin na sang kabuhi sang mga pulis.
Magluwas sa Fiesta sa Kampo, ginsaulog man ang Feast of Our Lady of the Holy Rosary sa diin may yara sang mga programa kag aktibidad nga ginpatigayon.
Sa pihak sini, ginpahayag sang Regional Director nga magapadayon ang serbisyo sang Police Regional Office 6 para sa mga pumuluyo.
