ILOILO CITY- Indi maga-operate sa idalom sang reenacted budget sa 2022 ang gobyerno sang Pilipinas.
Ini ang panindugan sang Malacañang apisar nagpamahog si Presidente Rodrigo Duterte nga i- withhold ang disbursement sang pondo sa tunga sang nagapadayon nga away sa tunga niya kag sang mga senador.
Suno kay Presidential Spokesperson Atty. Harry Roque, may yara sang personal nga mga interes ang mga myembro sang kongreso bangud kinahanglan nila ang tanan nga resources para sa election ilabi na ang mga nagapapili sa mas mataas nga posisyon kag ang nagapa-reelect.
Nahibaluan nga nagpropose ang Duterte administration sang budget nga P5.024 trillion para sa masunod nga tuig.
Matandaan nga gin-akusahan ni Duterte ang mga mamalidha sa pagplano nga paralisahon ang gobyerno paagi sa manubo nga alokasyon matapos niya ginpunggan ang mga opisyal sang iya gabinete nga magtambong sa Senate investigation angot sa COVID-19 expenditures sang gobyerno.
Dugang ni Roque, sa tion nga indi mapasar sa oras ang budget, ang kongreso ang magapanabat gani pat-ud nga tinguhaan nila nga mapasar ini.
