ILOILO CITY – Ginakabalak-an sa subong sang sugar authorities ang tuman ka dako nga pagnubo sang refined sugar output nga mahimo magresulta sa panibag-o nga round sang importation.
Suno kay Sugar Regulatory Administration acting chief Pablo Azcona, may yara sang pagnubo sang production nga nagdangat sa 100,000 metric tons nga nagtulod sa mga refineries nga mag-untat sang operasyon bangud sang kakulang sang biofuel.
Dugang pa niya, mahimo nga magapangatubang ang pungsod sang shortage nga nagadangat sa 50,000 MT.
Ang suplay ang ginalauman nga tubtob lamang sa Agosto 31 antes ang milling season.
Bangud sini, nagaplano ang Sugar Regulatory Administration nga mag-import sang 150,000 MT sang refined sugar agud nga mag-fill in sa posible kakulang kag maka-provide sang buffer stock.
Ang pinakaulihi nga sugar import amo ang kontrobersyal nga Sugar Order No. 6 nga nangin epektibo sang Pebrero 16.
