Nagdesisyon ang parliament sang Sri Lanka nga mag-eleher sang bag-o nga presidente sa Hulyo 20 kasunod sang pagsulod sang mga protesters sa official residence sang ila nga presidente kag prime minister.
Sa Myerkules subong nga semana natalana nga mag-resign si President Gotabaya Rajapaksa, ang pinaka-ginabasol bangud sa economic mismanagement sa pungsod nga amo pa ang ginatudlo nga nagapalala sa krisis.
Ang iya nga mga utod kag hinablos ang una na nga naka-resign bilang mga ministers matapos nga nawad-an sang gatong kag pagkaon ang bug-os nga Sri Lanka.
Suno kay Speaker Mahinda Yapa Abeywardena, maga-reconvene ang parliament sa Byernes kag i-elect ang bag-o nga presidente pagkatapos sang ila nga pagsapol.
Si Prime Minister Ranil Wickremesinghe ang una naman nakapahayag nga magapanaog man ini sa puwesto.
Matandaan nga mismo ang balay ni Wickremesinghe ang ginsunog sang akig nga mga protester.
Ginpahayag nga kun magpadayon ang political instability, maguba ang negosasyon sang pungsod sa International Monetary Fund (IMF).
Una na nga nagpahayag ang mga protesters nga indi sila maghalin sa palasyo tubtub nga wala sang formal resignation nga himuon ang presidente kag prime minister.
