ILOILO CITY – Natalana nga magpanaog sa pwesto si Sri Lankan President Gotabaya Rajapaksa nga una nga nagpalagyo sa iya official residence matapos nga ginsulong sang akig nga mga protesters.
Suno kay parliamentary speaker Mahinda Abeywardana, agud nga mapasiguro ang malinong nga transition, magapanaog sa pwesto ang presidente sa Hulyo 13.
Nahibaluan nga ginsunog sang mga protesters ang pribado nga puluy-an sang prime minister, pila ka oras matapos nga ginlagas ang presidente halin sa iya puluy-an bangud sang pila ka bulan na nga pagkadismaya bangud sang wala ginalauman nga economic crisis.
frustration over an unprecedented economic crisis boiled over on Saturday.
Ginatos ka libo ka tawo ang nagprotesta sa capital nga Colombo nga naga-demand sa gobyerno nga sabton ang mismanagement sang kwarta sang pungsod kag binulan nga kakulang sang pagkaon kag gatung.
Matapos nga naguba ang gate sang presidential palace, makita sa videos nga madamo sang mga tawo ang nagasulod sa mga hulot kag ang iban ang naglumpat sa pool.
Hilway naman nga napapalagyo ang presidente nga ginproteheran sang navy.
Nagsakay sa isa ka naval craft ang presidente sa Colombo port.
Matapos ang pagsulod sang protesters sa palasyo, ginsulod man nila ang seafront office ni Rajapaksa.
Bangud sini, gilayon nga nagpatawag sang meeting si Minister Ranil Wickremesinghe nga amo ang first person in line nga magabulos sa presidente kag ginpahayag nga handa ini nga magpanaog sa pwesto para sa unity sa gobyerno.
Apisar sina, wala sa gihapon nakuntemto ang mga nagaprotesta kag ginsunog ang balay sang prime minister.
Maswerte nga wala sang may napatay sa amo nga sunog kag ang pamilya ni Wickremesinghe ang wala sa ila balay sa amo nga tyempo.
Suno naman sa spokesperson sang Colombo hospital, tatlo ka mga tawo ang ginabulong bangud sang pilas tuga sang pagkatiro samtang ang 36 ka iban pa ang nagsuprer sang kabudlay sa pagginhawa bangud sang tear gas.
