Gin-aprubahan na sang Department of Trade and Industry (DTI) ang adjustment requests sa suggested retail prices (SRP) sa partikular nga kape kag sa salt products.
Suno sa ahensya, natapos na sini ang assessment kag validation sang notifications para sa price adjustments nga amo ang gin-file sang partikular nga mga manufacturers sa coffee kag salt categories.
Ang price adjustments ang gin-aprubahan sa tatlo sa 13 ka stock-keeping units (STUs) ukon ang product variants sang coffee kag anum naman sa 19 stock-keeping units sang asin.
Ginpahayag pa sang ahensya nga may isa pa ka coffee product nga padayon pa nga gina-assess sang department.
Sa asin, 8% ang average price increase sang anum ka STUs.
Sa subong suno sa ahensya, may yara pa sang 54 notifications nga nabaton nga nagapaidalom pa sa assessment.
Kadungan sini, nagapanawagan ang DTI sa mga konsumidor nga i-report gilayon ang retailers, distributors, kag manufacturers nga nagabaligya sang basic necessities kag prime commodities nga lapaw na sa ila nga SRP.#
