Ginpahayag sang Department of Trade and Industry (DTI) nga posible paguwaon na sa masunod nga semana ang suggested retail price (SRP) para sa school supplies agud mabuligan ang consumers antes pa man ang pagbukas sang klase sa Agusto 22.
Una na nga ginpahayag ni Trade Sec. Alfredo Pascual nga gina-review ang SRP list para sa school supplies bangud ginapahayag kulang ang mga detalye kag indi maathag ang mga impormasyon sa listahan subong.
Ginapahayag nga generic item lang ang ginamensyonar nga may price range, apang wala sang specs ukon details rason nga nagapang-duha-duha ang mga konsumidor sa tion nga magbakal.
Sa pihak nga bahin, ginpahayag man ni Castelo nga indi pag-aprubahan sang DTI ang tanan nga SRP price adjustment proposals nga gina-pasa sang manufacturers sang basic necessities and prime commodities (BNPC).
Lakip sa BNPCs nga nagahulat sang desisyon sang DTI amo ang canned sardines, instant noodles, coffee, milk, corned beef, meat loaf, kag bread products. ##
