Naglapaw sa P1-trillion ang assets sang Social Security System (SSS) sang 2025.
Ang SSS amo ang pension fund para sa mga empleyado sa pribado nga sector.
Suno sa Department of Finance (DOF), nakalab-ot ang total assets sang SSS sa P1.26 trillion nga mas mataas sang 22.1% halin sa P1.03 trillion sang 2024.
Suno kay Finance Secretary kag Social Security Commission (SSC) chairman Frederick Go, ang SSS reserve nagsobra sa P1 trillion sa labing-una nga tion nga isa ka pamatuod sang financial strength, overall security kag sustainability. Ini nga performance suno sa ahensya isa ka maathag nga mensahe sa SSS members nga sigurado ang ila nga pension kag sustained ang mga benepisyo.
“This record performance and over P1 trillion reserve fund level send a clear message to SSS members: your pensions are secure; your benefits sustained,” suno sa Finance official. “Surpassing the P1 trillion mark in our reserve fund is a historic milestone and a strong affirmation of our duty to every Filipino worker and pensioner who relies on SSS,” dugang sini.
Sang nagligad nga tuig, gin-implementar sang SSS ang una nga hugnat sang tuigan nga saka sa pension. Nag-grant ang SSS sang tuigan nga saka nga 10% sa retirement kag disability pensions, kag 5% sa survivor pensions halin sa 2025 tubtub sa 2027.
“Guided by President Marcos Jr.’s directive to enhance benefits and strengthen governance, we are building a social security system that is financially resilient and more responsive to the needs of every Filipino,” dugang ni Go.#
