Gin-anunsyo sang Social Security System (SSS) nga buhinan sini ang interest rates para sa salary kag calamity loans.
Magatupa ang loan interest rate sa 8 percent samtang maga-us-os naman ang calamity loan interest rate sa 7 percent.
Pareho nga yara sa 10 percent ang interest rates sini subong.
Pahayag sang SSS, tuyo nila nga mapatuman ang pagnubo sang interest rates umpisa sa Hulyo 2025.
Gindugang sini nga para lang ini sa mga myembro nga wala nag-avail sang penalty condonation sa nagligad nga duha ka tuig, ukon mga myembro nga may maayo nga credit quality.
Antes sini, may kaangot nga anunsyo nga ginhimo si President Ferdinand Marcos, Jr. kadungan sang selebrasyon sang Labor Day sang Mayo 1.
“Starting July 2025, [SSS] members with a clean record will be able to avail themselves of SSS loans at lower interest rates,” pahayag sang punong ehekutibo. “The interest rate will go down to 8% for salary loans and 7% for calamity loans. These rates have been reduced from the previous 10%,” dugang sini.
Umpisa naman sa Septyembre, ang bana ukon asawa sang napatay nga pensioner ang mahimo man maka-apply sang loans nga tubtub sa P150,000.
“The SSS is also coordinating with several financial institutions to explore the possibility of establishing a microcredit loan facility,” suno sa presidente sang yara siya sa Pasay. “This aims to address the urgent financial needs of its members.”#
