Gin-extend sang Social Security System (SSS) ang contribution payment deadline sa pila ka binulan sa tuig 2021 tubtub Pebrero 28, 2022 sa mga lugar nga gindeklara ukon ginpaidalom sa state of calamity bangud sa paglaslas sang Bagyo Odette sang Disyembre 2021.
Ini ang gin-issue sang ahensya sa idalom sang SSS Circular No. 2022-004.
Sa amu nga circular nakasaad ang extension sang contribution payments deadline asta sa katapusan sang Pebrero para sa bulan sang Nobyembre kag Disyembre 2021 sa business kag household employers; Oktubre tubtub Disyembre 2021 para sa coverage and collection partners (CCPs), self-employed, voluntary, non-working spouse (SE/V/NWS) members, kag land-based Overseas Filipino Worker (OFW) nga mga myembro sa idalom sang mga masunod nga rehiyon:
Region IV-B (MIMAROPA),
Region VI (Western Visayas),
Region VII (Central Visayas),
Region VIII (Eastern Visayas),
Region X (Northern Mindanao), kag
Region XIII (CARAGA).
Nahibaluan nga ang ahensya ang nagbukas man sang calamity assistance package para sa mga myembro kag pensioners nga naapektuhan sang bagyo odette.
