Magapatuman ang Social Security System sang mas maaga nga ikaduha nga bahin sang 10% nga pagtaas sang monthly pension para sa mga benepisyaryo sini nga nagretiro kag para sa pensioners sini nga may disability.
Ini ginsaylo sa bulan sang Hunyo halin sa bulan sang Setyembre.
Parte ini sang tatlo ka tuig nga programa sang pagreporma sa pensiyon halin (2025-2027) kag tinutuyo sini nga maghatag sang financial relief sa tunga nagataas nga gastos sa enerhiya, inflation kag sa nagapadayon nga geopolitical tensions sa Middle East.
Ginabulubanta nga magalab-ot sa 6.5 bilyon pesos ang dugang nga igapanatagtag halin sa Hunyo tubtob Agosto subong nga tuig kun sa diin makabenepisyo ang masobra 3.9 milyon nga mga pensionado.
Suno sa SSS, ipatuman ini nga pagtaas nga wala ginapataas ang contribution rate bangud sa mapag-on nga sitwasyon sang finanacial funds.
