Nagpaandam ang Social Security System (SSS) sa mga transport cooperatives nga magapasaka sila sang kaso kon indi mabaydan ang kontribusyon sang ila mga driver subong nga bulan.
Sa interview sang Bombo Radyo kay Amiel Genova, Senior Communications Analyst sang Social Security System Visayas, iya ginpahayag nga santo sa ila nga pagsekyar sa mga payment sang kooperatiba, may mga nabaydan naman sila sa kontribusyon sang ila driver apang may mga yara man nga indi kompleto.
Ginpahayag man sini nga basehan man sa pagpasaka sang kaso ang mga dokumento nga indi ma-comply sa ila talatapan ukon sa account officer.
Suno kay Genova, posible ini mangin factor sa pagpatuman sang legal nga mga tikang ilabi na kon ang employer ang unresponsive.
Nagpanugyan man ang natungdan sa mga employer nga indi na pagpalab-uton sa amo nga punto bangud apektado man ang mga trabahador.
